Бизнес өчен яңа сынау: НДС артуы кемне банкротлыкка китерәчәк?

1 гыйнвардан Россиядә өстәмә бәягә салым, ягъни НДСның ставкасы 20 проценттан 22гә кадәр күтәреләчәк. Бу җитди үзгәреш Татарстанда гына 8 мең эшмәкәргә кагылыр, дип фаразлана.

Күбесе эшчәнлекләрен сүтеп корырга тиеш булачак. Бизнес вәкилләрен яңа шартлар белән таныштыру өчен, бүген Казандагы Эшмәкәрлек йортында киңәшмә оештырдылар. Кайбер белгечләр сүзләренчә, салым системасындагы яңалык - илдә эшсезлек күрсәткечен арттырырга мөмкин. Эшмәкәрләр - керемнең шактый өлешен салым түләүгә юнәлтеп, бухгалтерия документларын катлаулырак система буенча тутыра башлаячак.

Болар барысы да - кибет киштәләрендәге товарга бәяне уйнатачак, диләр. Нинди ярдәм чаралары тәкдим ителә? Теманы Рүзәл Шәрипов дәвам итәр.