Татарстан башкаласында үзәк шәһәр чыршысын иртәгә сүтә башлыйлар

Казанның төп Яңа ел чыршысын 15 гыйнварда сүтә башлаячаклар. Бу хакта Татарстан башкаласы мэриясенең матбугат хезмәте хәбәр итә.

"Казан" гаилә үзәге янындагы мәйдандагы 35 метрлы корылманы 76 500 гирляндадан торган масштаблы яктылык инсталляциясе бизәгән. Аны яктырту 60 метрлы яктылык гөмбәзе белән бердәм режимда эшләде.

Казанның төп Яңа ел чыршысын ачу тантанасы 23 декабрьдә булды. Утларны кабызу тантанасы интерактив шоу белән үрелеп барды.

Фото: ТНВ