Кәгазьдә – хәл ителде, тормышта – юк: “Халык контроле”нә 90 мең мөрәҗәгать

Татарстанның “Халык контроле” порталында еллар буе хәл ителми торган гаризалар бар. Җитәкчеләр “мәсьәлә чишелде” дип җавап юллый, ә чынлыкта исә, күрмәмешкә салышалар.

Халык исә, бу порталга да, “Ачык Казан”, Дәүләт хезмәтләре, «Инцидент-менеджмент» кушымталарына да яза. Аларда инде 90 меңнән артык мөрәҗәгать бар. Күпчелеге - юлларның сыйфатыннан зарлана, торак-коммуналь хуҗалыктагы вәзгыятьтән канәгать түгел.