Түбән Кама лицеенда килеп чыккан гадәттән тыш хәлдән нәрсә билгеле?

Түбән Камада кичә иртән 37нче лицейда укучы бала - идән юучыга пычак белән ташланган. Ул аның кулын һәм җилкә башын яралый.

Икесен дә мәктәптән хастаханәгә алып китәләр. Аздан гына фаҗига булмый кала. Малай петардалар шартлатып, кулларын пешергән, дип хәбәр ителә.

Хәзер тикшерүчеләр "Үтерергә теләү" һәм "Ваемсызлык" маддәләре буенча җинаять эше ачты. Шәһәр халкы исә, балаларның шулай үзгәрүен интернетның начар йогынтысыннан күрә. Билгеле мәгълүматны ТНВ хәбәрчесе Рүзәл Шәрипов җиткерә.