«Салават Күпере»ндә өй туе: 228 гаиләгә фатир ачкычлары тапшырдылар

Казанның "Салават Күпере" микрорайонында бүген өй туе иде. 228 гаиләгә фатир ачкычлары тапшырдылар.

Бюджет оешмалары хезмәткәрләре, ятим балалар, табиблар, яшь һәм күп балалы гаиләләр торак шартларын яхшыртты. Алар арасында Махсус хәрби операциядә катнашучылар да бар. Күп катлы йорт социаль ипотека программасы буенча төзелгән. "Мәхәббәт" комплексына күченүчеләрне Алия Сабирова котлады.