Төлкеләр күбәя, контроль көчәйтелә: биоресурслар комитеты йомгак ясады

Татарстанда төлкеләр саны 13 процентка арткан. Бу хакта бүген биоресурслар буенча дәүләт комитетының йомгаклау утырышында сөйләделәр.

Алар котыру чирен таратучылар булып санала. Әлки, Тукай, Яшел Үзән районнарында әлеге җанварлар иң күп теркәлгән. Ә узган елның казанышы булып, республика тарихында беренче тапкыр Кызыл китапның рус һәм татар телләрендә басылуы тора. Киң җәмәгатьчелеккә аны быел март башында тәкъдим итәчәкләр.