Татарстанда Муса Җәлилнең тууына 120 ел тулу уңаеннан “Кара урман” фильмы күрсәтеләчәк

2026 елның 12 февраленнән кинотеатрларда “Кара урман” фильмы прокатка чыгачак. Фильм бөек татар шагыйре, каһарман Муса Җәлилнең тууына 120 ел тулу уңаеннан төшерелгән.

Режиссёр Радик Кудояров җитәкчелегендә, Татарстан Республикасы ярдәме белән төшерелгән әлеге фильм Бөек Ватан сугышы елларында фашистлар тарафыннан җәзалап үтерелгән Муса Җәлилнең һәм аның көрәштәшләренең фаҗигале язмышын чагылдыра.