Яшел Үзәндәге янгында 3 кешенең гомере өзелгән

Кичә төнлә Яшел Үзәндә килеп чыккан янгында берьюлы өч кешенең гомере өзелгән. Фаҗига Чапаев урамындагы тулай торакта була. Ут эчендә 25 яшьлек кыз һәм ике ир-ат үлә. Берсенә 38, икенчесенә 42 яшь булган.

Тикшерү комитеты саксызлык сәбәпле кеше үлеменә китерү маддәсе буенча җинаять эше ачты. Коткаручылар ут эченнән 9 кешене алып чыгып гомерләрен саклап кала алган. Хәзер хокук сакчылары фаҗиганең сәбәпләрен ачыклый.