Карлы башкала: Казан бөтен көчен кар көрәүгә бирде

Казанда “Буран” планының соңгы көне иде. Бу режим 5 көн дәвам итте һәм иң озакка сузылганы булды. Февральнең 3нче генә көне булуга карамастан, шәһәрдә айлык норма карның 53 проценты яуган инде.

Кыш башыннан 480 мең тонна кар түгәләр. Мэрия чагыштырып караган: бу - 9 мең ярым вагонга тиң. Аларны тартып бару өчен 800 поезд кирәк булыр иде. Хәзер төп игътибар - ишегалларына һәм аларга керү юлларына бирелә. Кайбер урыннарда машина хәрәкәтен вакытлыча туктатып торырга туры килә. Рүзәл Шәрипов репортажы.