Казаннан Бохтарга туры даими авиарейслар ачыла

19 февральдән Казаннан Бохтарга туры даими авиарейслар ачыла. Таҗикстанга очышларны Nordwind авиакомпаниясе һәр пәнҗешәмбе башкарачак, дип хәбәр итә Татарстан башкаласы аэропортының матбугат хезмәте.

Очкыч Казаннан 10:40та кузгалачак, юл вакыты 3 сәгать 25 минут тәшкил итә. Бохтардан кире рейс җирле вакыт белән 17:35кә планлаштырылган, очыш 3 сәгать 45 минут дәвам итәчәк.

Шулай ук Мәскәү һәм Санкт-Петербург пассажирларына Казан аэропортында күчеп утыру белән тоташтыручы очышлар тәкъдим ителәчәк.

Фото: ru.freepik.com