Даруханәгә дип чыккан һәм кире кайтмаган: Казанда 30 яшьлек Тамара Волкованы эзлиләр

Казанда - 30 яшьлек Тамара Волкованы эзлиләр. Ул дүшәмбе - бер айлык баласын ире белән калдырып, даруханәгә дип чыгып китә. Шуннан соң суга төшкәндәй югала.

Соңгы тәүлектә - полиция һәм волонтерлар эзли башлады. Кинологлар башта бер кофта таба, аннары этләр аларны чүп-чар мәйданчыгына алып килә. Ләкин эз кабат суына. Инзилә Хөсәенова - Тамара Волкованың ире белән очрашты, даруханәдә аны күрүчеләр белән аралашты.