Татарстанда өч машина бәрелеште: 4 кеше, шул исәптән 15 яшьлек үсмер, зыян күрде

Бүген иртән “Әлмәт-Лениногорск” юлында өч автомобиль бәрелешкән, нәтиҗәдә дүрт кеше, шул исәптән 15 яшьлек бала да, зыян күргән.

Беренчел мәгълүматлар буенча, “Опель” йөртүчесе каршы як полосага чыккан һәм “Хавал” белән бәрелешкән. Шуннан соң аларга “Тойота” да килеп бәрелгән.

Зыян күрүчеләргә килгән ашыгыч ярдәм бригадалары медицина ярдәме күрсәткән. Вакыйга урынына Лениногорск прокуроры Марсель Гимаев килгән, юл-транспорт һәлакәтенең шартлары ачыклана. Тикшерү прокуратура контролендә.

Фото: прокуратура РТ