“Кара урман” фильмын беренче тапкыр кинотеатрларда күрсәттеләр

Республика кинотеатрларында - "Кара урман" фильмын күрсәтә башладылар. Режиссер Радик Кудояровның тулы метражлы нәфис фильмы каһарман-шагыйрь, милләттәшебез Муса Җәлилнең тууына 120 ел булуга багышланган.

Кинокартинада - аның һәм җәлилчеләрнең батырлыгы сурәтләнә. Фильм - Рөстәм Миңнеханов ярдәме белән төшерелде һәм бүген аны беренче тапкыр тамашачы кинотеатрларга килеп карады. Премьерада Динә Нәҗметдинова да булып кайтты.