Лалә чәчәкләре белән законсыз сәүдә итүче 20 кешене ГАИ хезмәткәрләре җаваплылыкка тарткан

8нче март көнне лалә чәчәкләре белән законсыз сәүдә итүче 20 кешене ГАИ хезмәткәрләре җаваплылыкка тарткан. Һәм бу әле Казан буенча гына.

Сәбәбе - чәчәкләрне юл читендә сатулары, транспорт йөрешенә комачау итүләре. Белә торып, юл хәрәкәтен тоткарлаулары өчен һәр сәүдәгәргә 10 мең сум штраф салынган. Лалә чәчәкләре белән автолавкалар шәһәр урамнарында 7нче марттан күпләп барлыкка килә башлады. Башта аларны 120 сумнан бирсәләр, кичә инде бәяләре 50 сумга төште.

Фото: ТНВ