Ике айда 45 бала имгәнгән: юлларда балалар катнашында һәлакәтләр арта

Ике ай эчендә республика юлларында 45 бала тән җәрәхәтләре ала, ике айлык сабый һәлак булган. 10 көннән мәктәп укучыларының каникуллары башлана. Димәк, балалар контрольсез кала һәм урамнарда, юлларда ешрак күренәчәк.

Шулай ук, яз җитү белән мотоцикл йөртүчеләр, питбайкерлар сезон ача. Алар арасында да еш кына яшүсмерләрне очратып була. Татарстанның Дәүләт автоинспекциясе җитәкчесе бүген ата-аналарга мөрәҗәгать итеп, балаларны юл кагыйдәләренә өйрәтергә өндәде.