21 нче мартта барлык төрки халыклар Нәүрүз бәйрәмен билгеләп үтәчәк

21 нче мартта барлык төрки халыклар зур гаилә булып Нәүрүз бәйрәмен билгеләп үтәчәк. Ул табигатьнең яңарышына, яңа тормыш башлануга багышланган.

Казанда аны зурлап Ипподром янәшәсендәге мәйданда оештырачаклар. Ел саен Нәүрүзне КФУның филология һәм мәдәниятара багланышлар институтында да уздыралар. Биредә бик күп чит ил студенты белем ала. Өстәл түрендә - сүмәләк, шикәр бура, сәхнәдә - кучмә халыклар биюе. Бәйрәм мохитен хәбәрчеләребез күреп кайтты.