Татарстанда атна ахырына кадәр +13 градуска кадәр җылытачак

Татарстанда һава торышын киң антициклон билгели. Шуның нәтиҗәсендә республикада коры һәм тыныч һава саклана, ә температура нормадан 4–5 градуска югарырак тора.

Синоптиклар хәбәр иткәнчә, төнлә һәм иртән юлларда бозлавык барлыкка килә.

24 март, сишәмбе: явым‑төшемсез. Төнлә -2…-7 градус, аязганда -10 градуска кадәр. Көндез +6…+11 градуска кадәр җылытачак. Урыны белән томан булуы мөмкин.

25 март, чәршәмбе: болытлы булачак. Төнлә -2…-7 градус, көндез +5…+10 градус. Республиканың көнчыгышында бераз яңгыр явуы ихтимал.

26 март, пәнҗешәмбе: явым‑төшем көтелми. Төнлә 0…-5 градус, көндез +5…+10 градус.

27–29 март: һава тагын да җылытачак. Төнлә температура 0 градус тирәсе, көндез +8…+13 градуска кадәр күтәреләчәк. Атмосфера басымы югары булу сәбәпле, явым‑төшем фаразланмый.

Фото: TNV.RU