Казанда “Легенда” торак комплексында лифт төшеп киткән: ир-ат имгәнгән

Чыгарылышны Казанның “Легенда” торак комплексында килеп чыккан хәлдән башлыйбыз. Монда - барган җиреннән лифт кисәк кенә аска төшеп китә һәм туктап кала.

Бу вакытта анда ир-ат була. Ул егыла һәм тора алмый. Соңрак аның аякларына зыян килүе ачыклана. Бүген Тикшерү комитеты җинаять эше кузгатты. Монда яшәүчеләр күптән куркып яшибез ди. Әлеге лифт бик еш ватыла, ишекләре бикләнеп кала икән. Бүген хәбәрчебез Нәфисә Минәҗева шунда юл тотты.