Узган ел Казанда 14 меңнән артык бала туган

Узган ел Казанда 14 меңнән артык сабый дөньяга килгән. Бу хакта йомгаклау утырышында шәһәрнең Сәламәтлек саклау идарәсе башлыгы Илназ Әхмәдиев хәбәр итте.

Аның сүзләренчә, бала табучы хатын-кызларның уртача яше 29,5, иң актив төркемнәр — 25–29 һәм 30–34 яшьләр. 20 яшькә кадәр әниләр өлеше 3%тан да ким.

Сабыйлар үлеме күрсәткеченең кимүе шәһәр медицинасы өчен төп казаныш булып тора. Соңгы өч елда әлеге күрсәткеч 24 процентка кимегән.

Фото: сгенерировано ИИ