Майда Татарстанда янгын куркынычы нормадан югарырак көтелә

Росгидромет мәгълүматларына караганда, май аенда Идел буе федераль округында, шул исәптән Татарстанда да, янгын куркынычы уртача күпьеллык күрсәткечләрдән югарырак булырга мөмкин. Бу турыда «Известия» яза.

Апрельдә янгын куркынычы 4 округта югары дип бәяләнсә, майда мондый округлар саны алтыга җитәчәк. Хәзер үк янгын куркынычы сезоны Россиянең 17 төбәгендә башланган.

Рослесхоз җитәкчесе Иван Советников искәрткәнчә, язгы урман янгыннарының күбесе кеше гаебе белән чыга. Төп сәбәпләр — калдырылган чүп-чар, сүндерелмәгән учак һәм очкын чыгара торган төзек булмаган җиһаз.

Фото: Сгенерировано ИИ / ТНВ