Меңнән артык коллектив «Сәйяр» театр фестивалендә көч сынашты

Татар милли театрына нигез салучыларның берсе Габдулла Кариевның мирасын сәләтле яшьләр дәвам итә. «Сәйяр» театр фестивале җиңүчеләрен котлау тантанасында Татарстан Дәүләт Советы рәисе вазифаларын башкаручы Марат Әхмәтов шулай дип белдерде.

Балалар һәм яшүсмерләр арасында үткәрелүче конкурста быел республиканың меңнән артык коллективы катнашкан. Иң сәләтлеләрен Ленин мәдәният йортында бүләкләделәр. Чыгыш ясаучылар, нигездә, Габдулла Тукай, Кәрим Тинчурин, Галиәсгәр Камал һәм Туфан Миңнуллин әсәрләрен сайланган.

Яшь артистлар белән Алия Сабирова танышып кайтты.