Татарстанда браконьерларга каршы рейд: ике сәгатьтә биш балыкчы тоткарланган

Татарстан балыкчылары — «Уылдык» операциясе чорында балык тоту тәртибен үтәми. Бүген биоресурслар буенча дәүләт комитеты вәкилләре һәм прокуратура хезмәткәрләре браконьерларны тотарга чыкты.

Идел буйлап Яшел Үзәнгә таба йөзделәр. 2 сәгатьтә - биш балыкчы тоткарлана. Суд карары буенча, берсенең көймәсен тартып алырга мөмкиннәр.

Балыклар уылдык чәчкән вакытта — 25нче апрельдән 5нче июньгә кадәр көймәдән һәм спининглы кармаклар белән балык тоту, шулай ук, ятмә салу тыела. Нәфисә Минәҗева репортажы.