Соңгы кыңгырау урынына — кайгы: Биектауда һәлак булган 17 яшьлек укучыны искә алдылар

Татарстанда килеп чыккан һәр 9нчы авариядә кеше гомере өзелә. Һәр 3нчесе — каршы як полосада харап була.

Республиканың Дәүләт автоинспекциясендә юл-транспорт һәлакәтләре белән бәйле аяныч саннарны анализладылар. Исерек килеш юлга чыгучылар, машинада барганда йоклап китүчеләр, балаларына мотоцикл бүләк итүче әти-әниләрне — аварияләр китереп чыгаручы төп сәбәпчеләр, дип атадылар.

Әле узган атнада Биектаудагы коточкыч хәлне мисалга китерү дә җитә. Класс — мәктәп белән саубуллашыр урынга, 17 яшьлек сыйныфташын искә алырга авария урынына килде. Рүзәл Шәрипов репортажы.