Кама Тамагында янгыннан соң ике гаилә йортсыз калган: аларга ярдәм кирәк

Берьюлы ике гаилә йорт-җирсез урамда торып калган. Кама Тамагының Олы Карамалы авылында гомер итүче Нәҗмиевлар һәм Гыйззәтовларга ярдәм кирәк.

23нче май көнне аларның йортлары янып беткән. Ут ике гаиләнең дә гомер буе җыйган бар мөлкәтен юк итә. Бөтенесе да кара күмергә әйләнгән. Хәзер алар яңа өй салу хыялы белән яши.

Киләсе репортажны кеше кайгысына битараф булмаган тамашачыларыбыз игътибарына тәкъдим итәбез.