Умарталык урманга зыян саламы? Зәйдә умартачы эше мәхкәмәгә җитте

Зәй районы мәхкәмәсендә сәер эчтәлекле эш карала башлады. Умарталык - урманга зыян сала дип, умартачыны судка биргәннәр.

Тукай районының Бай-Бүләк авылында яшәүче Равил Төхбәтуллин, 30 елдан артык Түбән Кама урманчылыгында умартачы булып эшләгән. Әмма берничә ел элек умарталыкны җитәкчелек бетерергә булган. Тик бар гомерен бал кортларына багышлаган кешенең аларны юк итәргә кулы бармый. Алар шунда кала.

Җирне аңа арендага бирмиләр. Хәзер исә - участоктан рөхсәтсез файдаланган өчен штраф салганнар. Теманы Луиза Сафуанова дәвам итә.