Табигать сынавы: Пермь краендагы татар авылларын су баскан

Табигать үзгәрешләре кабат татар дөньясын сыный. 3-4 көн элек Пермь краендагы берничә авыл су эчендә калды.

Алар арасында татарлар яшәгәннәре дә бар. Яңа һәм Иске Иреньбаш, Ишим, Япанай, Әри-түз, Калтай, Самар, Уразмәт, Бикбай һәм Биктулка. Монда күперләр җимерелгән, өйләр агып киткән, кешеләрнең бар милке ләм астында калган.

Пермь крае җитәкчелеге: «Хәзер хәл тотрыклана, су чигенә башлады» ди. Бүген милләттәшләребез аларга гуманитар ярдәм җыя башлады. Үзхәбәрчеләребез ярдәмендә әзерләнгән репортажны карыйк.