Этләр талап үтергән Жанна Хөсәенованың эше буенча суд ахырына якынлаша

Казанның Совет районы судында җәмәгатьчелектә шау-шу уяткан җинаять эшләренең берсен карау - ахырына якынлаша. Ялан кырда этләр талап үтергән 48 яшьлек Жанна Хөсәенованың үлемендә гаепләнүче Иосиф Лифшиц тиздән суд карарын ишетәчәк.

Хөкемдар ике якның да каршы килүенә карамастан, суд тикшерүен тәмамлады. Исегезгә төшерәбез, тикшерүчеләр ачыклаганча, Иосиф Лифшиц үз базасында этләр тоткан һәм алар кешеләр өчен куркыныч тудыра торган була. Утырышта яңгыраган фикерләр - Нәфисә Минәҗева репортажында.