Этләр өере һөҗүмендә кыз үлеме: кем җавап бирәчәк?

Яшел Үзән судында 9 яшьлек Варвара Блохинаның үлеме белән бәйле җинаять эшен карыйлар. Исегезгә төшерәбез, узган елның ноябрендә мәктәптән кайтканда кызны өере белән этләр талап үтергән иде.

Суд утырышында бакчачылык ширкатендә яшәүчеләрдән сорау алдылар. Аларның берсе этләрне куып җибәреп, ашыгыч ярдәм чакырткан була. Тикшерүчеләр килеп чыккан фаҗигада - подрядчы оешма - "Кот и пес" фонды җитәкчесе Альберт Галиев, аның кул астында эшләүче Максим Иванов һәм алар белән килешү төзегән түрә - районның торак-коммуналь хуҗалык департаменты җитәкчесе Нияз Минхаҗевны гаепле, дип саный.

Тулырак Алия Сабирова репортажында.