Ришвәтчелеккә каршы көрәш: кайсы өлкәләрдә хокук бозулар теркәлгән?

"Мәдәнияттә - башка өлкәләрдәге кебек үк туганнарны эшкә алу бик киң таралган. Әмма закон барлыгын онытмаска кирәк”. Бүген ришвәтчелек белән көрәшкә багышланган матбугат очрашуында тикшерүчеләр шулай, дип белдерде.

Гаеплеләрнең исемен атамасалар да, нинди оешмаларда хокук бозулар теркәлүе турында сөйләделәр. Алар - мәдәният, сәләмәтлек саклау һәм яшьләр белән эшләү юнәлешләренә кагыла. Җинаять эшләре ачылмаган, әмма хезмәткәрләрне дә, учреждение җитәкчеләрен дә эштән куганнар. Теманы Нәфисә Минәҗева дәвам итә.