Татарстанда кемнәр октябрь хезмәт хакын вакытыннан алда алачак?

Татарстанда яшәүчеләрнең бер өлеше октябрь өчен хезмәт хакын билгеләнгән вакыттан алда алачак. Бу хакта «Татар-информ» хәбәр итә.

Моңа алда торган бәйрәмнәр — Халыклар бердәмлеге көне һәм Татарстан Республикасы Конституциясе көне сәбәп булган.

Бу атнада республикада 4 һәм 6 ноябрь — эшләми торган көннәр. Хезмәт хакын гадәттә айның 4ендә алучыларга акча 3 ноябрьдә күчереләчәк.

6, 7 яки 8 ноябрьдә түләү алучыларга хезмәт хакы 5 ноябрьдә биреләчәк. Вакытыннан алда түләү хезмәт хакы күләменә йогынты ясамаячак.

Моннан тыш, 3 һәм 5 ноябрьдә эш көне бер сәгатькә кыскартылачак.

Фото: ТНВ