Татарстан кибет киштәләрендә ризык бетәчәкме?

Дөге дә бар, он да, шикәр дә, хәтта карабодай да. Тик ихтыяҗ шулкадәр зур ки, кибетләр аны киштәгә чыгарып өлгерә алмый. Бүген без Яңа Турада урнашкан иң зур складта булдык. Монда карабодай тонналап китерелә һәм 700 кибеткә таратыла. Товар кытлыгы юклыгын, ажиотажның буш урында барлыкка килгән әйбер икәнен үз күзләребез белән күреп кайттык.