Татарстан тулысынча үз-үзеңне изоляцияләү режимына күчерәләр

Татарстан халкына үз-үзеңне изоляцияләү режимын керттеләр. Үз өйләреннән китәргә кискен очрактагына гына рөхсәт ителә. Режимны бозучыларга административ җәза яный. Бу хакта бүген ТР Министрлар Кабинетында узган брифингта ТР вице-премьеры Ләйлә Фазлыева хәбәр итте.

Татарстан халкы үз торакларын калдырып китә ала торган кагыйдәләр якындагы ике көндә билгеләнәчәк. Кичә мондый режим Мәскәүдә кертелде. Массакүләм чикләүләр РФ премьер-министры Михаил Мишустин боерыгы нигезендә кертелә.