Путин Татарстан хакимиятен мактады

"Владимир Путин белән туры элемтә"не алып баручы Наилә Аскер-Задә Татарстан хакимиятен халык белән турыдан-туры эфирларны даими үткәрә торган төбәк буларак күрсәтте.

Үз чиратында, Россия Президенты Владимир Путин хакимиятнең гражданнар белән турыдан-туры аралашу мөһимлеге белән килеште.

Дәүләт башлыгы фикеренчә, мондый коммуникацияләр ярдәмендә җитәкчеләр иң актуаль проблемаларны билгели һәм тормышның мөһим өлкәләрендә үзләренең гамәлләренә төзәтмәләр кертә ала.

«Мин төбәк җитәкчеләренә гражданнар фикеренә колак салырга киңәш итәр идем", - дип нәтиҗә ясады Путин.

Фото: kremlin.ru