Халык саны алуның беренче өч атнасында 120 миллионнан артык кеше катнашкан

Россиядә халык санын алуның соңгы атнасы башланды. Беренче өч атнада анда 120 миллионнан артык кеше катнашкан инде.

Бу — илдә яшәүчеләрнең 85 проценты. 23 миллион кеше җанисәп сорауларына дәүләт хезмәтләре порталы аша җавап биргән.

Бөтен Россия халык фикерен өйрәнү үзәге мәгълүматы буенча, күпләр — халык санын алучыны өйдә кабул итү яклы. Икенче урында — онлайн катнашу тора. Сораштырылучыларның бик азы гына стационар участокларга барган.