Казахстан Президенты эшлекле сәфәр белән Казанга килде

Бүген Казахстан Республика Президенты Касыйм-Җомарт Токаев эш сәфәре белән Казанга килде. Бу хакта ТР Президенты Матбугат хезмәте хәбәр итте.

Габдулла Тукай исемендәге "Казан" халыкара аэропортында Казахстан Республикасы Президентын Татарстан Республикасы Президенты Рөстәм Миңнеханов, Татарстан Республикасы Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, Казан мэры Илсур Метшин һәм башка рәсми затлар каршы алган..

Исегезгә төшерәбез, Касыйм-Җомарт Токаев Татарстанга Россия Федерациясенә визиты кысаларында килде.

Фото: ТР Президенты Матбугат хезмәте