Казан хакимияте Россия көнен бәйрәм итүгә 9,5 млн сум акча сарыф итәргә ниятли

Ел саен 12 июнь билгеләп үтә торган Россия көнендә Казан хакимияте 9,5 миллион сум акча сарыф итәргә планлаштыра. Тиешле тендер дәүләт сатып алулары порталында бастырылган.

Тендер нигезендә, Казанлыларга һәм башкалабыз кунаклары өчен өч сәгатьлек концерт программасы, Россия эстрадасы йолдызы чыгышы һәм ике минутлык салют каралган.

Чараның хедлайнеры кем булачагы һәм кайда узачагы 4 майда билгеле булачак. Исегезгә төшерәбез, 2021 елда Казанда Россия көнендә җырчы МакЅим чыгыш ясады. ТНВ телеканалы концерт трансляциясен туры эфирда күрсәтте.

Фото: ТНВ