Кремльдә Россия составына дүрт яңа субъектны кушу турындагы килешүләргә имза куйдылар

Бүген Кремльдә ДНР, ЛНР, Запорожье һәм Херсон өлкәләрен кушу турындагы килешүләрне имзалау тантанасы булды.

Документларны Россия Федерациясе Президенты Владимир Путин, ДНР һәм ЛНР башлыклары Денис Пушилин һәм Леонид Пасечник, шулай ук Запорожье һәм Херсон өлкәләре администрацияләре җитәкчеләре Евгений Балицкий һәм Владимир Сальдо имзалады.

Искәртеп узабыз, югарыда әйтелгән регионнарның хакимиятләре 23-27 сентябрь көннәрендә референдумнар үткәрде. 29 сентябрьдә Россия Президенты Владимир Путин ДНР, ЛНР, Херсон һәм Запорожск өлкәләренең суверенитетын һәм бәйсезлеген тану турындагы указларга кул куйды.