WorldSkills ачылу тантанасына Казанга Россия Премьеры Дмитрий Медведев килде

Дәүләтнең ачыклыгын һәм теләсе нинди зурлыктагы чаралар уздыра алуын дәлилли торган вакыйгаларның чираттагысы. Ул ярты сәгаттән Казан-аренада башланып китәчәк. Аз гына соңрак без андагы хәбәрчебез белән туры элемтәгә чыгарга планлаштырабыз.

Ачылу тантанасына дип, Казанга Россия Премьеры Дмитрий Медведев килде. Аэропортта аны илнең вице-премьеры Татьяна Голикова белән Президент Рөстәм Миңнеханов каршы алды. Моннан инде алар "Казан-экспо" мәйданына чыктылар. Ике арада - туры юл бар.