Рөстәм Миңнехановның еллык юлламасын тыңларга нинди шәхесләр чакырулы иде?

Россия Геройлары, махсус хәрби операциядә катнашучылар, һәрдаим гуманитар ярдәм җибәреп торучылар, авыл хуҗалыгы өлкәсендә хезмәт куючылар, мөгаллимнәр, олимпиада һәм спортта җиңү яулаучылар.

Рөстәм Миңнехановның еллык юлламасын тыңларга үз эшләренең осталары, республика үсешенә зур өлеш кертүчеләр дә чакырулы иде. Традиция буенча андый шәхесләр ел саен әлеге чараның мәртәбәле кунаклары. Татарстан Рәисе аларга рәхмәт сүзләрен җиткерде.