Владимир Путин көзге чакырылыш турындагы указга кул куйды

Россиялеләрне хәрби хезмәткә көзге чакырылыш турындагы указга Россия Президенты Владимир Путин кул куйды. Дәүләт башлыгы боерыгы буенча, хезмәткә 130 000 кеше чакырылырга тиеш.

"2023 елның 1 октябреннән 2023 елның 31 декабренә кадәр запаста булмаган һәм хәрби хезмәткә чакырылырга тиешле 18 яшьтән 27 яшькә кадәрге 130 000 Россия Федерациясе гражданнарын хәрби хезмәткә чакыруны гамәлгә ашырырга", - диелә документта.

Хезмәт итү вакыты, элеккечә, 12 ай тәшкил итәчәк.

Фото: kremlin.ru