Владимир Путин: Россия Казан белән горурлана

Россия Казан һәм аның үсеше белән горурлана. Бу хакта РФ Президенты Владимир Путин Үзбәкстан Президенты Шәүкәт Мирзиеев белән сөйләшүләрдә белдерде.

«Сез хәзер Казанда булдыгыз. Без Казан белән, бу искиткеч шәһәрнең ничек үсүе белән горурланабыз. Сез дә үз тәэсирләрегез белән уртаклашырсыз дип өметләнәм», — диде РФ лидеры.

Исегезгә төшерәбез, кичә Мирзиеев Россиягә эш визиты алдыннан Татарстан башкаласына беренче тапкыр килде.

Фото: Павел Бедняков / РИА «Новости»