Татарстан Рәисе Кытайның Шэньчжэнь шәһәре вице-мэры белән очрашты

Татарстан Рәисе Рөстәм Миңнеханов Шэньчжэнь шәһәре (КХР) вице-мэры Ван Шоужуй белән очрашты. Очрашу Татарстан делегациясенең Кытай югары технологияләр күргәзмәсенә Шэньчжэньга эш визиты кысаларында узды, дип хәбәр итә Рәис матбугат хезмәте.

Рөстәм Миңнеханов Татарстан белән Кытай арасында товар әйләнеше тотрыклы үсеш күрсәтүенә игътибар итте. Узган ел нәтиҗәләре буенча ул 58% ка артты һәм 1,6 миллиард доллардан артты. Үзара сәүдә үсеше дәвам итә – 2023 елның беренче яртыеллыгында бу сан 1,5 миллиард долларга якынлашты.

Шэньчжэнь халкы бүген 21 млн кеше тәшкил итә. Бу Кытайның көньяк өлешендәге икенче эре шәһәр, беренче махсус икътисади зонасы, дөньядагы дүртенче зур контейнер порты, Кытай электрон сәнәгате үзәге.

Фото: Рустем Кадыров / rais.tatarstan.ru