Владимир Путин халык белән туры элемтәгә чыгып, 2023нче елга нәтиҗә ясады

Владимир Путин халык белән туры элемтәгә чыгып, 2023нче елга нәтиҗә ясады. Ил яшәешенә кагылышлы 2 миллионнан артык сорау алынган. Димәк, Россиядәге һәр 73нче кеше үз гозерен юллый алган дигән сүз.

Туры элемтә беренче тапкыр матбугат очрашуы белән бергә оештырылды. Катнаш форматның үзенчәлеге шунда - журналистларның сораулары халык гозерләре белән тулыландырылды. 4 сәгать тә 4 минут дәвамында Владимир Путин 67 сорауга җавап биргән. Бу юлы Татарстан журналистларыннан 2 сорау яңгырады, ә ил Президентының дүрт җавабы безнең Республика белән бәйле иде. Гөлназ Сәйфетдинова репортажы.