Владимир Путин М-12 трассасыннан үзе дә йөреп карарга теләвен белдерде

Россия Президенты Владимир Путин видеоконференция режимында М-12 «Восток» трассасын ачу тантанасында үзе юл буенча узарга теләвен белдерде.

"Мин дә бу юлдан йөри алырмын дип өметләнәм, чөнки бу үзенчәлекле хисләр. Барлык машина йөртүчеләргә, барлык автомобиль сөючеләргә, бу трассадан файдаланган һәркемгә, маршрутны кулланудан шатлыклы хисләр алырга телим», — диде РФ лидеры.

Фото: скриншот