Сайлау мәсьәләләре: Закон чыгару органына 100 депутат киләчәк

Быел 8 сентябрдә Татарстанда Дәүләт Советына сайлау узачак. Закон чыгару органына 100 депутат киләчәк.

Казанда "Минем тавыш" дип исемләнгән онлайн-форум оештырылды. Анда белгечләр - республикадагы сәяси вакыйгаларга бәя бирде, аларга дөнья хәлләренең йогынтысы турында фикер алышты, тавыш бирүгә әзерлек мәсьәләләрен күтәрде.

Социологик сораштыруда 75 % респондентның участокларга барырга җыенуы мәгълүм була. Татарстан гел активлык күрсәтә, шуңа күрә сайлауның нәтиҗәсе дә ышанычлы, ди федераль экспертлар.