Рөстәм Миңнеханов Алабуга шәһәренең тарихи өлешен яңарту буенча проектларны карады

Рөстәм Миңнеханов бүген Алабугада булды. Республика Рәисе анда шәһәрнең тарихи йөзен яңарту буенча башкарылган эшләрне карый. Ул туристлар яратып йөри торган берничә урам буйлап үтте.

 Узган ел шәһәргә килүчеләр 1 миллионнан арткан. Бу район өчен рекорд күрсәткеч диләр. Биредә 200гә якын мәдәни мирас объекты бар.

Сәфәр кысаларында Рөстәм Миңнеханов шәһәрдәге төзекләндерү эшләре белән танышты һәм Алабуганың тарихи өлешен яңарту буенча проектларны карады.