Минтимер Шәймиев сайлауларда катнашты

Татарстанның беренче Президенты, ТР Дәүләт Киңәшчесе Минтимер Шәймиев ТР Дәүләт Советына VII чакырылыш депутатлар сайлауда үз өлешен кертте. Ул Боровое Матюшино бистәсендәге сайлау участогында тавыш бирде. Бу хакта республика Хөкүмәте порталында хәбәр ителә.

Минтимер Шәрип улының кәефе бәйрәмчә. Ул ансамбльгә кушылып, "Алмагачлары" җырын да җырлап алды.

Исегезгә төшерәбез, бүген сайлау участоклары 07:00 сәгатьтән 20:00 сәгатькә кадәр ачык. Сайлаучылар өчен участокларда ташламалы бәяләрдән ярминкә оештырылган, кич белән Казанда зур концерт көтелә, җәмәгать транспортында да бушлай йөреп булачак. Шул ук вакытта ТНВ каналында зур телемарафон бара. Биредә 12 айфон һәм 1 Лада Веста машинасы җиңүчесен дә сайлыйлар. Моның өчен ВКонтакте социаль челтәренә #ВсейСемьейНаВыборы #ТатарстанАлга хештеглары белән фото гына куярга кирәк. Үтәлергә тиешле барлык таләпләрне биредә белә аласыз.


Фото: портал Правительства РТ