ТНВ Рөстәм Миңнехановның Республика Дәүләт Советына еллык юлламасын туры трансляциядә күрсәтәчәк

Җомга, 27 сентябрьдә, "ТНВ-Татарстан" телеканалы Татарстан Рәисе Рөстәм Миңнехановның Республика Дәүләт Советына еллык юлламасын туры трансляциядә күрсәтәчәк.

Эфир 10:00 сәгатьтә башланачак. Трансляция шулай ук безнең «ВКонтакте» социаль челтәрендәге төркемдә һәм TNV.RU сайтында булачак.

Исегезгә төшерәбез, гадәттәгечә юлламада Татарстан лидеры нәтиҗәләр ясаячак һәм якындагы елга республика үсешенең төп юнәлешләрен билгеләячәк.

Фото: tatarstan.ru