Песков: Бүген Владимир Путин Казанга киләчәк

РФ Президенты Владимир Путин бүген кич БРИКС саммитында катнашу өчен Казанга юл тотачак. Бу хакта брифингта дәүләт башлыгының матбугат сәркатибе Дмитрий Песков хәбәр итте.

"Көн азагында президент Казанга күчәчәк, анда иртәгә БРИКС саммиты кысаларында эш башлана", - диде Кремль вәкиле журналистларга.

БРИКС саммиты Казанда 22-24 октябрьдә узачак.

Фото: kremlin.ru