Һиндстан Премьер-министры Нарендра Моди БРИКС саммитында катнашу өчен Казанга килде

Казанга БРИКС саммитында катнашу өчен Һиндстан Премьер-министры Нарендра Моди килде. Халыкара аэропортта аны Татарстан Рәисе Рөстәм Миңнеханов каршы алды, дип хәбәр итә Рәис матбугат хезмәте.

Һиндстан БРИКСта аңа нигез салынганнан бирле тора. Бүген Нарендра Моди һәм Россия Президенты Владимир Путин очрашуы көтелә.

Исегезгә төшерәбез, БРИКС 22-24 октябрьдә Казанда узачак. Кичә Россия Президенты Владимир Путинның очрашу программасы басылып чыкты.

Фото: rais.tatarstan.ru